पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
संवाददाता:- प्रशान्त महासागर
“झोलामा बम थिएन”
सडकको किनारमा
लडिरहेको छ एउटा झोला
जसमा बम थिएन, तर सपना थिए ।
कापीका पानामा
लेखिन बाँकी थियो भविष्य,
तर रगतले पहिले नै अन्तिम बिन्दु कोरिदियो ।
कलम अझै त्यहीँ छ, शब्द खोज्दै...
तर शब्दहरू डराए, आवाजहरू थामिए ।
यो सडक साक्षी छ निर्दोष यात्राको
जसले अपराध केही गरेन,
तर सजाय सबैभन्दा ठूलो पायो ।
झोलामा किताब थियो, किताबमा उज्यालो...
तर अँध्यारोले सबैभन्दा पहिले त्यसैलाई रोज्यो ।
कोही सोध्छ “के थियो झोलामा?”
उत्तर सधैं उस्तै आउँछ “बम होइन, भविष्य थियो…”
१४ चैत २०८२, शनिवार ०७:१४ मा प्रकाशित
