पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
संवाददाता:- प्रशान्त महासागर
२०४६ चैत्र २० कीर्तिपुर सहिद जन्मदिन
“सहिद ! तिमी मरिसक्यौ र ?”
सहिद ! तिमी मरिसक्यौ र ?
कि अझै बाँचेका छौ हाम्रो सासभित्र र हाम्रो मौनतामा लुकेर ?
तिमीले त रगत दिएर स्वतन्त्रताको बीउ रोपेका थियौ
तर आज त्यो बिरुवामा कसको छायाँ पर्यो ?
तिमी मरेको दिन देश रोएको थियो
तर आज देश रोइरहेछ तर कसैले सुन्दैन ।
सहिद ! तिमी मरिसक्यौ र ?
कि तिमी मरेकै होइनौ या हामी नै मरेका हौँ आफ्नो आत्मासँगै ?
तिमीले सपना देखेको देश आज कता हरायो ?
त्यो न्याय, त्यो समानता, त्यो उज्यालो भविष्य सबै किन अँध्यारोमा बिलायो ?
तिमीले गोली खाँदा डराएका थिएनौ
तर हामी सत्य बोल्न पनि डराउँछौँ
के यही हो तिम्रो बलिदानको मूल्य ?
सहिद ! तिमी मरिसक्यौ र ?
यदि साँच्चै मरेका हौ भने किन तिम्रो आवाज अझै कानमा गुन्जिरहेछ ?
कि तिमी अझै जीवित छौ हरेक प्रश्नमा, हरेक विद्रोहमा, हरेक आँसुमा…
र सायद मर्ने तिमी होइन, मर्ने त हामी हौँ
हामी अन्याय देखेर पनि चुप बस्छौँ
स्वार्थको लागि जे पनि सहि ठान्छौं.....
