पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
लोमान्थाङ वाल वरिपरी साँढे ४ करोड लागतमा आरसीसी सडक बन्ने
सुन्दरकुमार थकाली
जोमसोम—गण्डकी प्रदेश सरकार अन्तर्गत चालु आर्थिक वर्ष २०८०÷०८१ लागि १९ वटा नयाँ योजना थपिएका छन् । सडक स्तरोन्नतितर्फ १७ र पुल निर्माणतर्फ २ गरी १९ वटा नयाँ योजना थपिएको पूर्वाधार विकास कार्यालय मुस्ताङले जनाएको छ ।
अघिल्ला आर्थिक वर्षमा दायित्व सरेका बहुर्षीय ५ योजना र १२ थान साल बसाली योजना निर्माणधिन अवस्थामा छन् । योसंगै पूर्वाधार विकास कार्यालय मुस्ताङमा कुल साना÷ठुला गरी ३६ वटा योजना रहेको कार्यालयका सूचना अधिकारी घनश्याम रोक्कामगरले जानकारी दिए ।
यसअघिका बहुवर्षीया योजना अन्तर्गत लोमान्थाङ रिङरोड र घरपझोङ रिङरोडसहित करोड लागतका ५ योजना सम्पन्न हुन बाँकी छ । अघिल्लो आर्थिक वर्षबाट सरेका बहुर्षीय र साल बसाली योजना गरी १७ वटा योजना दायित्व सृजना भएको पकार्यालयका सूचना अधिकारी रोक्कामगरले बताए ।
पूर्वाधार विकास कार्यालय मुस्ताङमा थपिएका योजना मध्ये १७ वटा सडकका लागि १३ करोड २० लाख र २ वटा पुल निर्माणका लागि १ करोड ९० लाख बजेट विनियोजन भएको कार्यालयका सूचना अधिकारी रोक्कामगरले उल्लेख गरे । पूर्वाधार विकासका लागि चालु वर्ष थपिएका नयाँ योजनाहरु धेरैजसो उपल्लो मुस्ताङका लागि परेको बताईएको छ ।
उपल्लो मुस्ताङको पर्खाल घेरिएको माटोको सहर लोमान्थाङ गेटदेखि लोमान्थाङ वाल वरिपरी आरसीसी सडक निर्माणका लागि प्रदेश सररकारले साँढे ४ करोड बजेट विनियोजन गरेको छ ।यस्तै,लोमान्थाङ स्वागत गेटदेखि लोमान्थाङ हुँदै थाकारनाङ जोड्ने सडक स्तरोन्नतिका लागि १ करोड विनियोजन भएको कार्यालयका सूचना अधिकारी रोक्कामगरले बताए ।
मुस्ताङको वारागुङ मुक्तिक्षेत्र गाउँपालिका १,२ र ३ नम्बर वडा जोड्ने रानीपौवा,पुराङ,हुँदै झोङ ÷तेताङ जोड्न सडकका नयाँ योजनामा परेको हो । यसका लागि १ करोड बजेट विनियोजन भईसकेको र उक्त सडकको बिस्तृत परियोजना प्रतिवेदन (डीपीआर) सम्पन्न भएको पूर्वाधार विकास कार्यालय मुस्ताङले बताएको छ ।
मुस्ताङको वारागुङ मुक्तिक्षेत्र अन्र्तगत समर÷घ्याकर कृषि सडकका लागि ५० लाख,लोघेकर दामोदरकुण्डको घिलिङ गाउँ भित्र सडक स्तरोन्नतिमा ५० लाख,घिलिङ गाउँ भित्रको सडक निर्माण योजनामा ६० लाख, मुस्ताङको घरपझोङ—३ को सोनामको घरदेखि स्याङ गाउँ जाने कृषि सडक निर्माण तथा गल्छी नियन्त्रणका लागि ३० लाख,थासाङ—५ को टिटी गाउँ लार्के सडक निर्माणमा ५० लाख,लोमान्थाङको ताङ्ला देखि लोमान्थाङ सडक स्तरोन्नतिमा ५० लाख र थासाङ गाउँपालिका—१ टुकुचे—झोङो जोड्ने कृषि सडक निर्माण तथा स्तरोन्नतिमा ५० लाख बजेट विनियोजन भएको पूर्वाधार विकास कार्यालयले बताएको छ ।
यस्तै, गण्डकी प्रदेश सरकार अन्र्तगत पुल निर्माणतर्फ घरपझोङ र वारागुङ मुक्तिक्षेत्रमा २ योजना परेको हो ।जसअन्र्तगत वारागुङ—२ को छेङ्गुर—झोङ जोड्ने मोटरेबल पुलका लागि १ करोड ५० लाख र घरपझोङ—५ को ढुम्बाताल जाने ठिनी खोला मोटरेबल पुलका लागि ४० लाख बजेट परेको हो ।
फोटो फाईल ः घरपझोङ रिङरोड स्तरोन्नति गरिंदै । तस्विर ःसुन्दरकुमार थकाली ।
