पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
संवाददाता:- प्रशान्त महासागर
"हामी गौरवका धनी छौँ, अझ अगाडि बढ्ने छौँ" : उद्यमी तथा कलाकार फिरोज सिंहको व्यावसायिक र सांस्कृतिक यात्रा
काठमाडौँ — नेवारी संस्कृति, सम्पदा र परम्पराको जगेर्ना गर्दै व्यावसायिक सफलता हासिल गरिरहेका उद्यमी तथा सङ्गीतकार फिरोज सिंहले नेपालको मौलिक पहिचान र स्वाभिमानलाई अन्तर्राष्ट्रिय स्तरसम्म पुर्याउने प्रतिबद्धता व्यक्त गरेका छन्। "हामी गौरवका धनी छौँ, अझ अगाडि बढ्ने छौँ" भन्ने मूल नाराका साथ उनले कला, संस्कृति र व्यवसायलाई एकसाथ अगाडि बढाइरहेका छन्।
बाल्यकाल र प्रारम्भिक सङ्घर्ष
१९८२ जुलाई २७ मा पिता तीर्थराम महर्जन र माता नन्दाकुमारी महर्जनको कोखबाट जन्मिएका फिरोज सिंहको प्रारम्भिक शिक्षा विश्व राष्ट्रिय माध्यमिक विद्यालयबाट भएको थियो। सानै उमेरदेखि मिलनसार र सामाजिक स्वभावका सिंहले व्यावहारिक शिक्षा र अनुभवलाई नै जीवनको ठूलो पाठ मानेका छन्।
शिक्षा हासिल गर्ने क्रममा विभिन्न व्यावसायिक प्रतिष्ठानहरूमा काम गर्दै उनले बजार, बिक्री र व्यवस्थापनको व्यावहारिक अनुभव बटुले। "सफलताका लागि रणनीति, सोच र स्पष्ट दृष्टि (Vision) आवश्यक हुन्छ" भन्ने मान्यता बोकेका सिंहले सुरुवाती दिनका चुनौतीहरूलाई पार गर्दै व्यावसायिक क्षेत्रमा कदम राखेका थिए।
नेवारी संस्कृति र आतिथ्य सत्कारमा क्रान्ति
काठमाडौँको परम्परागत खानपान र सांस्कृतिक सम्पदालाई जीवन्त राख्ने उद्देश्यले उनले 'ससः द नेवा' (Sasa D' Newa) रेस्टुरेन्टको स्थापना गरे। कीर्तिपुरको सगः तोलमा रहेको यो रेस्टुरेन्टले ३५० जना भन्दा बढीलाई आतिथ्य दिन सक्ने क्षमता राख्छ।
यसपछि उनले नेवारी संस्कृति र आधुनिकताको सन्तुलन मिलाउँदै ३,००० भन्दा बढी पाहुनाहरूलाई सेवा दिन सक्ने विशाल 'ससः त्वा हस्पिटालिटी' (Sasa Twa Hospitality) सञ्चालनमा ल्याए। पुराना इँटा, काठ र परम्परागत वस्तुहरूको प्रयोग गरी बनाइएको यो संरचनाले नेवारी खाना र संस्कृतिको प्रवर्द्धनमा महत्त्वपूर्ण योगदान पुर्याउँदै आएको छ।
'एलजे ग्रुप' र व्यावसायिक विस्तार
२०१९ मे १४ (२०७६ जेठ ३१) मा स्थापित 'एलजे ग्रुप अफ कम्पनिज' (LJ Group of Companies) मार्फत सिंहले विभिन्न क्षेत्रमा लगानी र सेवा विस्तार गरेका छन्।
एलजे ग्रुपअन्तर्गत निम्न संस्थाहरू सञ्चालित छन्:
ससः द नेवा र ससः त्वा हस्पिटालिटी: नेवारी संस्कृति र खानाको प्रवर्द्धन गर्ने रेस्टुरेन्ट तथा हस्पिटालिटी व्यवसाय।
रमाइलो इभेन्ट्स: सांस्कृतिक तथा विविध ठूला कार्यक्रमहरू आयोजना गर्ने संस्था।
आहा होम्स रियल स्टेट र बालियो बिल्डर्स: परम्परागत र आधुनिक वास्तुकलाको मिश्रणसहित आवास निर्माण तथा जग्गा व्यवसाय।
भारतीय सप्लायर्स र किसान एग्रो फार्म: दैनिक उपभोग्य वस्तुको आपूर्तिकर्ता र आधुनिक तथा दिगो कृषि क्षेत्रमा काम गर्ने फार्म।
एलजे क्लब र बा फाउन्डेसन: सामाजिक उत्तरदायित्व (CSR) अन्तर्गत शिक्षा, मानवअधिकार र अनाथ बालबालिकाहरूको सहयोगका लागि स्थापित गैर-नाफामूलक संस्थाहरू।
सङ्गीतप्रतिको मोह
उद्यमीका रूपमा परिचित भए पनि फिरोज सिंहभित्र एउटा निपूर्ण सङ्गीतकार र गायक पनि लुकेका छन्। 'बहाना' (२०६२/६३) र 'खरानी' जस्ता एल्बममार्फत नेपाली सङ्गीत क्षेत्रमा पहिचान बनाएका सिंह सङ्गीतलाई आफ्नो आत्मा मान्छन्। व्यावसायिक व्यस्तताका बाबजुद पनि उनी सङ्गीत र कलामार्फत समाजलाई जोड्ने कार्यमा निरन्तर लागिपरेका छन्।
'गौरवता' (Gaurabta) चित्रकला र सन्देश
प्रबिन श्रेष्ठद्वारा कोरिएको र फिरोज सिंहको अवधारणामा आधारित 'गौरवता' (Gaurabta) नामक डिजिटल चित्रकलाले नेपाली परम्परा, संस्कृति र स्वाभिमानलाई झल्काउँछ। उक्त चित्रमा नेपालका ऐतिहासिक सम्पदा, जातजातिको वेशभूषा र संस्कृतिसँगै फिरोज सिंहको चित्र समावेश गरिएको छ।
"आफ्नो जरा र मौलिक पहिचानलाई बिर्सेर अगाडि बढ्न सकिँदैन, आफ्नो संस्कृतिमा गर्व गर्दै आधुनिक युगमा अगाडि बढ्नुपर्छ" भन्ने सन्देश फिरोज सिंहले दिन खोजिएको छ।
