पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
साउदी अरबको जिजान सहरमा सोमबार भएको भीषण सवारी दुर्घटनामा तीन नेपालीसहित १५ जनाको ज्यान गएको छ। श्रमिक सवार भ्यान र ट्रेलर आपसमा ठोक्किएपछि दुर्घटना भएको हो।
जेद्दास्थित नेपाली महावाणिज्य दूतावासका अनुसार दुर्घटनामा पाल्पाका कृष्ण खत्री, उदयपुरका रूपक कार्की, र कपिलवस्तुका मानबहादुर रानाको निधन भएको छ। साथै, इलामका सुकबहादुर लिम्बू गम्भीर घाइते भएका छन् र उनको उपचार स्थानीय अस्पतालमा भइरहेको छ।
दुर्घटनामा सबैभन्दा धेरै भारतीय नागरिक प्रभावित भएका छन्, जसमा नौ जनाले ज्यान गुमाएका छन्। बाँकी तीन जना घानाका श्रमिक थिए। स्थानीय प्रशासनका अनुसार दुर्घटनामा परेका ११ जना घाइतेमध्ये केहीको अवस्था गम्भीर रहेको छ।
साउदी अधिकारीहरूका अनुसार घटनाको अनुसन्धान भइरहेको छ। नेपाली महावाणिज्य दूतावासले मृतकका परिवारहरूसँग समन्वय गरी आवश्यक सहयोगको प्रतिबद्धता जनाएको छ।
– Aama Darshan News
