पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
लोमान्थाङमा अज्ञात समुहद्धारा वडाध्यक्ष बिष्टको मोटरसाईकल तोडफोड
सुन्दरकुमार थकाली
जोमसोम—उपल्लो मुस्ताङको लोमान्थाङ—५ मा गएराति वडाध्यक्ष ढुक्के बिष्टले चढ्ने सरकारी मोटर साईकलमा आशिंक क्षति पू¥याईएको छ । शनिबार राति वडाध्यक्ष बिष्टको घर बाहिर आँगनमा पार्किङ गरी राखिएको लोमान्थाङ—५ को ग १ ब १०५४ नम्बरको सरकारी माटरसाईकलमा अज्ञात समुह तथा ब्यक्तिले क्षति पू¥याएको बताईएको छ ।
लोमान्थाङ गाउँपालिका अन्तर्गत वडा—५ का लागि प्रयोग हुँने उक्त सरकारी मोटरसाईकलको पेट्रोल ट्यांकीमा दुई वटा प्वाल पारिएको छ भने मोटरसाईकलको सिट कभर समेत च्याँतेर क्षति बनाईएको छ । वडा कार्यालयको सवारी साधन माथि अज्ञात समुह तथा ब्यक्तिले क्षति पू¥याएपछि वडाध्यक्ष ढुक्के बिष्टले ईलाका प्रहरी कार्यालय लोमान्थाङमा लिखित उजुरी दर्ता गरेका छन् । वडाध्यक्ष बिष्टले आफुले प्रयोग गर्ने सवारी साधन माथि अज्ञात समुहले तोडफोड गरी क्षति तुल्याएको जानकारी दिए । उनले मोटर साईकल तोडफोड गर्ने समुहको छानविन गरी दोषी उपर कारवाही गर्न ईलाका प्रहरी कार्यालयमा उजुरी दिएको उल्लेख गरे ।
यता ,जिल्ला प्रहरी कार्यालय मुस्ताङका प्रहरी नायव उपरीक्षक डिएसपी भोजराज पाण्डेले लोमान्थाङ—५ मा सरकारी मोटरसाईकल माथि तोडफोड गरी क्षति तुल्याएको जानकारी दिए । उनका अनुसार लोमान्थाङमा घटना अघि लोमान्थाङ—५ का आमा समुह र जनप्रतिनिधिबीच लोमान्थाङको भित्री सडकको आन्तरिक विषयमा दुई पक्षियबीच टसल परेको र घटनापनि सोही विषयसंग जोडिएको हुनसक्ने बताए । ईलाका प्रहरी कार्यालयको सिसि क्यामेराबाट तोडफोड गर्ने अज्ञात समुह पत्ता लगाउने कार्य र घटनाबारे अनुसन्धान भईरहेको उल्लेख गरे ।
घटना अघि लोमान्थाङ आमा समुह र जनप्रतिनिधिबीच बाटोको बिषयमा वार्ता भएपनि वार्ता सफल हुन सकेको थिएन । वडाध्यक्ष बिष्टले स्थानीय तहको सरकारी मोटरसाईकल तोडफोड हुन राम्रो सन्देश नभएको र यसले शान्त उपल्लो मुस्ताङमा अस्थिरता निम्त्याउने दावी गरे ।
