पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
~Muskan Pokharel
के फरक पर्छ र???
तिमीले मलाई
चिन्यौ कि चिनेनौ? हम्म?
के पो फरक पर्छ र,
मेरो चिनारीमा तिम्रो नाम
यही नै त मेरो दुनियाँ हो।
म दिल खोलेर
नहाँसेको कति भयो??
खै....?
तर के फरक पर्छ र,
मेरो समर्पण, तिम्रो मुस्कान
यही नै त मेरो दुनियाँ हो।
श्रृंगारको अर्थ
सजाउनु हो कि लुकाउनु?
ह्या....
के फरक पर्छ र?
तिम्रो नाम , मेरो मेहन्दी
यही नै त मेरो दुनियाँ हो|
सँगै हिँड्नु भनेको
पाइला चाल्नु हो कि पछ्याउनु?
हाँ हाँ..
अब झन् के फरक पर्छ र?
मेरो पाइला तिम्रो गति🚶♀️
यही नै त मेरो दुनियाँ हो।
कति पटक लुछिए म ?
कति पटक जिउँदै जले??
कहाँ म केवल घर सजाउने वस्तु बने?🧚♀️🧚♀️
कहाँ वंश बढाउने मिसिन ??
तर
के ..नै ..पो फरक पर्छ र?
मेरो पाइलाले
अलक्षिना ल्यायो कि लक्ष्मी.....
यति हिसाब आए
भै गो नि।
म ,
म हुन पर्छ र?
अबुईईई के सोधेको यस्तो???
उ हेर त
ऊ
उसैले
लेको छ नि जिम्मा
मारे पाप पाले पुण्य को।
