लैङ्गिक हिंसा र सामाजिक कुप्रथा विरुद्ध सचेतनामुलक गायन प्रतियोगिता सम्पन्न

सुनकोशी, – १६ दिने लैङ्गिक हिंसा विरुद्धको अभियान अन्तर्गत आज सुनकोशी गाउँपालिकामा आयोजित सचेतामुलक गायन प्रतियोगिता भव्यताका साथ सम्पन्न भएको छ। कार्यक्रममा सुनकोशी गाउँपालिका अध्यक्ष दिपा वोहोरा दाहाल, उपाध्यक्ष कपिल कुमार कोइरला, वडाका अध्यक्ष/सदस्य, विभिन्न राजनीतिक दलका प्रतिनिधि, संघसंस्था र सर्बसाधारण सुनकोशीवासीको उपस्थिति रहेको थियो।

प्रतियोगितामा, नव ज्योति समूह ले प्रथम स्थान हासिल गरेको छ भने जनकल्याण समूहले द्वितीय स्थान र सुमित्रा दर्लामीले तृतीय स्थान प्राप्त गरेका छन्। सान्त्वना पुरस्कार भने प्रतिभा समूह ले प्राप्त गरेको छ।

यस प्रतियोगिताले लैङ्गिक हिंसा र सामाजिक कुप्रथाको विरुद्धमा जनचेतना अभिवृद्धि गर्न महत्त्वपूर्ण भूमिका खेलेको आयोजकद्वारा भनिएको छ। कार्यक्रमका आयोजकहरूले सबै सहभागीलाई हार्दिक धन्यवाद ज्ञापन गरेका छन्।

समाजमा लैङ्गिक समानता र समावेशिता प्रवर्धन गर्नका लागि यस प्रकारका कार्यक्रमहरूको निरन्तरता अनिवार्य रहेको आयोजकहरूको धारणा छ।