पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
संवाददाता:- प्रशान्त महासागर
आत्मा मार्न पाउनुपर्छ ।
शेयर किन्नु अपराध ठान्न थाले
समृद्ध छु भन्नु अपराध मान्न थाले
देशको सम्पत्ति लुट्दिन भन्दा लुट्नैपर्छ,
राजनीति लुट्न नै हो भन्न थाले ।
स्वतन्त्र स्वराज दिन्छु भन्दा गुलाम हुन नै
बाँचेको हुँ कार्यकर्ताले मनन गर्न थाले ।
विश्व बजार जल्दा नेपाल पनि जल्नैपर्छ
धैर्य त्याग्दै पार्टी ठूलो मान्न थाले
देश भन्दा नेता नै सर्वेसर्वा बुझ्न थाले ।
सडोस वा कुहियोस जे पनि किनेरै बाँच्नुपर्ने
मौसममा परिवर्तन चाहिन्न भन्न थाले ।
बोकेर आफ्नै लास आफ्नै काँधमा.... कहाँ गाडौ ?
चिहानहिन, मलामीहिन, सभ्यताहिन हुँदा नि चेतना चाहिन्न,
मनुष्य होइन भन्न थाले
अब त कहिल्यै मर्दैन भन्ने आत्मा पनि मार्न पाउनुपर्छ
त्यो संघर्ष हो भन्न थाले ।
८ बैशाख २०८३, मङ्गलबार ०६:०३ मा प्रकाशित
