ललितपुरको आनन्द वनमा डढेलो फैलियाे, एककाे मृत्यु, एक जना घाइते

ललितपुरको आनन्द वनमा डढेलो फैलिएकाे छ । गोदावरी नगरपालिका-४ बडिखेल जंगलमा डढेलाे निभाउन जाँदा एक जनाकाे मृत्यु भएकाे छ । यस्तै, अर्का एक जना घाइते भएका छन् । मंगलबार दउँसो डढेलो निभाउँदा स्थानीयबासी शंकर पहरी र रमेश पहरी घाइते भएका थिए। उनीहरुलाई उपचारकालागि अस्पताल लगिएकाे थियाे । उपचारका क्रममा शंकर पहरीकाे निधन भएकाे हाे ।

यसकासाथै गोदावरी नगरपालिका–६ स्थित आनन्द वनमा डढेलाे लाग्दा नजिकै रहेको कुष्ठरोग अस्पतालका बिरामी पनि अन्तै सारिएको छ ।डढेलोका कारण अस्पताल जोखिममा रहेकाे भन्दै अस्पतालका ९३ जना बिरामी सारिएको हाे ।लेलेको जंगलको डढेलो फैलिँदै आनन्द वन पुगेको हो। आगो नियन्त्रण गर्न सेना, सशस्त्र, नेपाल प्रहरी, अग्नि नियन्त्रकसहितको टोली परिचालन गरिएको छ ।