पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
समाल्बुङ, २७ अक्टोबर— समाल्बुङमा जारी दोश्रो गोरख भेट्रान्स फुटबल प्रतियोगितामा पूर्वेली भेट्रान्स र दमक(लखनपुरले उत्कृष्ट प्रदर्शन गर्दै सेमिफाइनलमा प्रगति गरेका छन्।
सामसुङ मेमोरियल मैदानमा भएको उद्घाटन खेलमा पूर्वेली भेट्रान्सले गत संस्करणका उपविजेता एमसीसी भेट्रान्स फिक्कललाई ४-२ गोल अन्तरले पराजित गर्यो। खेलको शुरुवातमा फिक्कलले सुरुवाती अग्रता लिएको थियो, तर पूर्वेलीले दोस्रो हाफमा आक्रामक खेल खेल्दै बराबरी गर्यो र अन्ततः जीत हासिल गर्यो। सन्तोष राईले २ गोल गरेर खेलको म्यान अफ दि म्याचको उपाधि प्राप्त गरे।
दोस्रो क्वाटरफाइनलमा, दमक(लखनपुरले दार्जिलिङको जिजे भेट्रान्सलाई ३-२ गोल अन्तरले हरायो। सुवास आङथुपोले २ गोल गर्दा विकास राईले १ गोल थपे। दार्जिलिङका गौतम थापाले एक गोल गरेका थिए।
प्रतियोगिताको आगामी खेलमा बरमियोक नाम्पिङ सिक्किम र आयोजक गोरख भेट्रान्स, र युएफसी भेट्रान्स बुङकुलुङ र फेमेगुरु भेट्रान्स सन्दकपुरबीच प्रतिस्पर्धा हुनेछ।
कार्यक्रमको प्रमुख अतिथि सांसद सुहाङ नेम्वाङले खेलकुदको विकासलाई प्राथमिकता दिने प्रतिवद्धता व्यक्त गर्दै समाल्बुङ क्षेत्रलाई पर्यटन र खेलकुदको लागि उपयुक्त स्थानको रूपमा देखाउने कुरा गरे। उनले स्थानीय खेलकुदको विकासमा सरकारको समर्थनको आवश्यकता औँल्याए।
यो प्रतियोगिता गोरख टोल विकास संस्थाको आयोजनामा र गोरख युनाइटेड क्लबको सहआयोजनामा सम्पन्न भइरहेको छ।
