पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
सन्चारकर्मी सुर्य राय
इस्पार्टा, टर्की। दक्षिणपश्चिम टर्कीको इस्पार्टा प्रान्तमा सोमबार एक सैन्य हेलिकप्टर दुर्घटना हुँदा ६ सैनिकले ज्यान गुमाएका छन्।
हेलिकप्टर प्रशिक्षण उडानको क्रममा दुर्घटनामा परेको हो। इस्पार्टा प्रान्तका गभर्नर अब्दुल्लाह एरिनका अनुसार पाँच सैनिकको घटनास्थलमै मृत्यु भएको थियो भने गम्भीर घाइते एक सैनिकको उपचारका क्रममा अस्पतालमा मृत्यु भएको छ।
दुर्घटनामा इस्पार्टा आर्मी एभिएसन स्कुलका कमाण्डर ब्रिगेडियर जनरल इसा बेडिल्ली पनि परेका छन्।
प्रशिक्षणका लागि दुई हेलिकप्टर उडाइएकोमा एउटा हेलिकप्टर दुर्घटनाग्रस्त भएको र अर्को हेलिकप्टर सुरक्षित अवतरण गर्न सफल भएको गभर्नर एरिनले जानकारी दिएका छन्।
यस घटनाले टर्कीको सेनालाई ठूलो क्षति पुर्याएको छ। दुर्घटनाबारे अनुसन्धान जारी रहेको जनाइएको छ।
(अामा दर्शन न्युज)
२५ मङ्सिर २०८१, मङ्गलबार ०६:३९ मा प्रकाशित
