पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
सन्चारकर्मी सुर्य राय
काठमाडौं – आज आश्विन शुक्लपक्ष चतुर्दशी र पूर्णिमा परेका कारण मान्यजनबाट नवदुर्गाको आशीर्वाद स्वरूप टीका र जमरा लगाउने अन्तिम दिन हो। नेपाल पञ्चांग निर्णायक विकास समितिका अनुसार, आज बिहान सूर्योदयको समयमा चतुर्दशी र मध्यरातमा पूर्णिमा तिथि परेका छन्।
समितिका सदस्य प्रा. डा. देवमणि भट्टराईले जानकारी गराउँदै भने, “साँझमा गरिने पूर्णिमा व्रत भने कात्तिक १ गते बिहीबार पर्छ, त्यसैले आज टीका र जमरा लगाउने अन्तिम अवसर हो।”
दसैंको टीका र जमरा लगाउने परम्परा आश्विन शुक्ल प्रतिपदादेखि नवमीसम्म चलिरहेकामा, आज मान्यजन र आफन्तहरू आशीर्वाद लिन घरघरमा जाने क्रममा छन्। बडादसैंका अवसरमा टाढा रहेका आफन्तले भेटघाट गर्दै आशीर्वाद लिनु पनि महत्त्वपूर्ण मानिन्छ।
महाअष्टमी र महानवमीका दिन राजधानीमा सुनसानको अवस्था देखिएको थियो, तर विजयादशमीको समयमा चहलपहल बढ्न थालेको छ। नागरिकहरू निधारमा रातो टीका र जमरा लगाएर मान्यजनकहाँ टीका लगाउन जान थालेका छन्।
आजको विशेष अवसरमा, टीका र आशीर्वाद थाप्ने क्रम कोजाग्रत पूर्णिमासम्म निरन्तर चलिरहने शास्त्रीय व्यवस्था रहेको छ। कोजाग्रत पूर्णिमाका दिन राति जाग्राम बसी महालक्ष्मीको पूजा आराधना गरिने परम्परा पनि छ।
यस वर्षको बडादसैंको चाड समापन कात्तिक १ गते हुनेछ।
