पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
काठमाडौँ, नोभेम्बर ६ – वर्षात्का कारण स्थगित गरिएको काठमाडौँ महानगरपालिकाको भित्ते चित्र लेखन कार्यक्रम पुनः सुरु भएको छ। यस कार्यक्रमले काठमाडौँका ऐतिहासिक, सांस्कृतिक, र पुरातात्त्विक सम्पदाहरूलाई चित्रका माध्यमबाट अभिव्यक्त गर्दै जनचेतना र संरक्षणको सन्देश दिन लक्ष्य लिएको छ।
महानगरपालिकाले नागरिकहरूलाई भित्ते चित्रहरूको संरक्षणमा विशेष ध्यान दिन आग्रह गरेको छ। चित्रहरू भएको भित्तामा कुनै रंग नछर्कनु, पोस्टर वा कागज नटाँस्नु, चित्रसँग नजिकबाट तस्बिर नखिच्नु जस्ता सावधानी अपनाउन नागरिकहरूको दायित्वको आवश्यकता रहेको बताइएको छ। यी भित्ते चित्रहरू काठमाडौँको संस्कार र संस्कृतिको जीवन्तता झल्काउने भएकाले संरक्षणका लागि नागरिक तहबाट सहयोग अपेक्षित छ।
महानगरपालिकाले भित्ते चित्र लेखनलाई केवल एक पटकको परियोजनाको रूपमा नभएर निरन्तर चलिरहने संस्कृतिक कार्यक्रमको रूपमा अगाडि बढाएको छ। यस परियोजनाले काठमाडौँको सम्पदा, कला, भाषा, साहित्य, र भेषभुषालाई बिम्बित गर्दै राष्ट्रिय पहिचानलाई अन्तर्राष्ट्रिय स्तरमा प्रस्तुत गर्न महत्त्वपूर्ण भूमिका खेल्ने विश्वास गरिएको छ।
काठमाडौँको सौन्दर्य र सांस्कृतिक धरोहरलाई थप उजागर गर्न नागरिक सहयोग र महानगरको निरन्तर प्रयासले काठमाडौँलाई एक सांस्कृतिक पर्यटकीय गन्तव्यका रूपमा चिनाउन मद्धत पुग्ने अपेक्षा गरिएको छ।
