पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
सन्चारकर्मी सुर्य राय
सर्लाही,– पूर्व पश्चिम राजमार्ग अन्तर्गत सर्लाहीको ईश्वरपुर नगरपालिकास्थित बाँके जङ्गलमा सोमबार बिहान एक इलेक्ट्रिक हाइस दुर्घटनामा परेको छ। काठमाडौँबाट गोडैतातर्फ आउँदै गरेको बागमती प्रदेश ०६–००१ ज ००६६ नम्बरको हायस अमुवा पुल नजिकै अनियन्त्रित भई पल्टिएको हो।
यस दुर्घटनामा ६ जना यात्रु घाइते भएका छन्। घाइतेहरूको विवरण यसप्रकार छ: २७ वर्षीय सरोजकुमार चौधरी, २४ वर्षीय सुशील कुमार चौधरी, २३ वर्षीय चुनचुन महतो, २६ वर्षीय रामजी पासवान, १९ वर्षीय सुमन महतो र २७ वर्षीय नवीन महतो। पाँच जनाले मोडेल अस्पताल लालबन्दीमा उपचारपछि डिस्चार्ज भइसकेका छन्, भने २७ वर्षीय सरोजकुमार चौधरी, जसको छाती र खुट्टामा चोट लागेको छ, लालबन्दीमा नै उपचार गराइरहेको छ।
दुर्घटनापछि हाइस चालकलाई प्रहरी नियन्त्रणमा लिइएको छ र गाडीलाई घटनास्थलबाट प्रहरी चौकी फूलजोरमा ल्याइएको छ। इलाका प्रहरी कार्यालय केशरगन्जका प्रहरी नायब उपरीक्षक मानप्रसाद श्रेष्ठले घटनाको थप अनुसन्धान जारी रहेको जानकारी दिएका छन्।
