पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
धनगढी। श्री एयरलाइन्सको विमानमा एयर होस्टेजमाथि दुर्व्यवहार गरेको आरोपमा एक युवकलाई पक्राउ गरिएको छ। कैलालीको गोदावरी नगरपालिका–१ का शिवराज ओझालाई प्रहरीले पक्राउ गरेको हो।
मंगलबार काठमाडौँबाट धनगढीका लागि उडेको विमानमा सवार शिवराज ओझाले श्री एयरलाइन्सकी एक एयर होस्टेजलाई दुर्व्यवहार गरेका थिए। प्रहरीका अनुसार, ओझाले एयर होस्टेजमाथि दुर्व्यवहार गरेपछि विवाद बढ्दै गयो र उनले विमानका अन्य कर्मचारीलाई पनि दुर्व्यवहार गरेका थिए।
विमान धनगढीमा अवतरण भएपछी प्रहरीले ओझालाई नियन्त्रणमा लिएको थियो। अहिले उनीमाथि अभद्र व्यवहार मुद्दामा अनुसन्धान भइरहेको प्रहरीले जनाएको छ।
एयरलाइन्स कम्पनीले यात्रुहरूको सुरक्षामा कुनै सम्झौता नगर्ने जनाएको छ। कम्पनीका प्रवक्ताले भने, "यस्तो व्यवहार कुनै पनि यात्रुबाट स्वीकार्य छैन। हामी कानूनी कारबाहीको प्रक्रिया अगाडि बढाउँदैछौं।"
