पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
सन्चारकर्मी सुर्य राय
काठमाडौं, ३१ जुलाई – गत राति देखिको अविरल वर्षाका कारण काठमाडौं उपत्यकाका तीन जिल्लामा बाढीको स्थिति अत्यन्तै चिन्ताजनक बनेको छ। बागमती नदी, हनुमन्ते खोला, गोदावरी खोला, र मनोहरा खोला लगायतका नदी र खोलामा बाढी आएको छ।
बाढी पूर्वानुमान महाशाखाका अनुसार, बागमती नदीको जलस्तर ललितपुरको खोकनामा ५.५९ मिटर र गौरीघाटमा २.३४ मिटर पुगेको छ, जसले खतराको तहलाई पार गरेको छ। हनुमन्ते खोला भक्तपुरको जगाती र कौशलटारमा पनि जलस्तर खतरा तहभन्दा माथि रहेको छ। मनोहरा खोला बालकुमारीमा ५.३५ मिटर जलस्तरमा पुगेको छ भने गोदावरी खोला ललितपुरको थाइबामा खतरा तह पार गरेको छ।
पछिल्लो १२ घन्टामा उपत्यकाका विभिन्न स्थानमा भारीदेखि अति भारी वर्षा मापन गरिएको छ। धाप ड्याममा १०७.८ मिलिमिटर, बूढानीलकण्ठमा ९० मिलिमिटर, कपनमा ७४ मिलिमिटर, सुन्दरीजलमा ६०.६ मिलिमिटर, बबरमहलमा ६२.२ मिलिमिटर, नैकापमा ६१.४ मिलिमिटर, कीर्तिपुरमा ६५ मिलिमिटर, टीकाथलीमा ६७.४ मिलिमिटर, र खुमलटारमा ५९.४ मिलिमिटर वर्षा मापन भएको छ।
स्थानीय प्रशासन र बाढी राहत समितिहरूले सतर्कता अपनाउन र बाढी प्रभावित क्षेत्रका बासिन्दाहरुलाई सुरक्षित स्थानमा जाने अपील गरेका छन्।
