पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
काठमाडौँको नन्दीकेशर बगैँचा (नारायण चौर) मा सम्पन्न वुमन अफ द वर्ल्ड (वाउ) महोत्सवको सातौँ संस्करणले समावेशिता र सहभागिताको दृष्टिकोणले अनुकरणीय उदाहरण प्रस्तुत गरेको छ। काठमाडौँ महानगरपालिकाका उपप्रमुख सुनिता डंगोलले महोत्सवको समापन समारोहमा आफ्नो धारणा व्यक्त गर्दै यसले समावेशी समाज निर्माणका लागि सकारात्मक सन्देश दिएको बताउनुभयो।
महानगरपालिकाको सम्पदा तथा पर्यटन विभागका अधिकारीहरूसँगको छलफलका क्रममा डंगोलले महोत्सवले महिलाको नेतृत्व, क्षमता, र सृजनशीलतालाई विशेष स्थान दिएको र यसले सबै तहका मानिसहरूको सहभागिता सुनिश्चित गरेको बताउनुभयो।
वाउ महोत्सवले विविध सांस्कृतिक कार्यक्रम, कला प्रदर्शन, र सामाजिक मुद्दामा केन्द्रित संवादमार्फत महिला सशक्तिकरण र समावेशी समाज निर्माणलाई प्रवर्द्धन गरेको छ। काठमाडौँ महानगरपालिकाले यस्ता कार्यक्रमलाई अझ प्रोत्साहन र समर्थन गर्ने प्रतिबद्धता व्यक्त गरेको छ।
उक्त महोत्सवमा महिला तथा बालबालिकाको उत्साहपूर्ण सहभागिता देखिनुका साथै विविध समुदायका व्यक्तिहरूलाई एकै ठाउँमा ल्याउन सफल भएको आयोजकहरूको भनाइ छ।
