पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
सन्चारकर्मी सुर्य राय
काठमाडौं । सम्माननीय सभामुख डीपी अर्यालले बिहीबार राष्ट्रपति भवन, शीतल निवासमा सम्माननीय राष्ट्रपति रामचन्द्र पौडेलसँग शिष्टाचार भेट गर्नुभएको छ।
भेटका क्रममा मुलुकको समसामयिक राजनीतिक अवस्था, सङ्घीय संसद्का गतिविधि, संसदीय अभ्यास तथा लोकतान्त्रिक संस्थाको प्रभावकारी सञ्चालनसँग सम्बन्धित विविध विषयमा विचार–विमर्श भएको राष्ट्रपति कार्यालयले जनाएको छ।
सभामुख अर्याल र राष्ट्रपति पौडेलबीच भएको उक्त भेटमा संविधानको प्रभावकारी कार्यान्वयन, संसद्को भूमिका तथा समसामयिक राष्ट्रिय विषयमा समेत छलफल भएको बताइएको छ।
राष्ट्रपति र सभामुखबीच समय–समयमा हुने यस्ता भेटवार्तालाई संवैधानिक निकायहरूबीचको समन्वय, संवाद र संस्थागत सहकार्यलाई थप सुदृढ बनाउने अवसरका रूपमा हेरिएको छ।
१४ साउन २०८३, बिहिबार ११:०७ मा प्रकाशित
