पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
Mr. Surya raya
सिन्धुलीको माथिल्लो रानिबास स्थित मदन भण्डारी राजमार्गमा सवारी दुर्घटना हुँदा एक जनाको मृत्यु भएको छ ।
सिन्धुली जिल्लाको कमलामाई नगरपालिका वडा नम्बर १३ माथिल्लो रानिबास स्थित मदन भण्डारी राजमार्गमा ट्रक र मोटरसाईकल एक आपसमा ठक्कर खाई दुर्घटना हुँदा एक जनाको मृत्यु भएको हो ।
दुर्घटना आज बिहान साढे ९ बजेको समयमा भएको जिल्ला प्रहरी कार्यलय सिन्धुलीले जानकारी दिएको छ । कटारीबाट भिमान तर्फ आउँदै गरेको म प्र ०४००१ क ००५१ नम्बरको ट्रक र बा ९२ प ६५६२ नम्बरको मोटरसाईकल आपसमा ठक्कर खाई दुर्घटना भएको प्रहरी जानकारी दिएको हो।
उक्त दुर्घटनामा परि मोटरसाईकल चालक सर्लाहिको हरिवन नगरपालिका ७ का ३० बर्षीय रिद्धि बहादुर मिरिङसिङ गम्भिर घाईते भएका थिए ।घाईते मिरिङसिङलाई उपचारका लागी जिल्ला अस्पताल सिम्धुली ल्याउँदै गर्दा बाटोमै मृत्यु भएको भनि बिहान १०.३५ बजे सिन्धुली अस्पतालका डाक्टरले घोषणा गरेका हुन।प्रहरीले दुवै सवारी साधन सहित ट्रक चालक महोत्तरीको गौशला नगरपालिका १ बस्ने ४१ बर्षीय जित बहादुर आलेलाई नियन्त्रणमा लिएको छ ।
