पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
सन्चारकर्मी सुर्य राय
काठमाडौँ — काठमाडौँ महानगरपालिकाले महानगर क्षेत्रभित्र सञ्चालन भइरहेका कवाडी व्यवसायहरूको दर्ता तथा नवीकरणमा नयाँ व्यवस्था लागू गरेको छ। आर्थिक ऐन, २०५१ अनुसार, चालू आर्थिक वर्ष २०८१/८२ देखि महानगरपालिका क्षेत्रभित्रको आवासीय क्षेत्रमा सञ्चालित कवाडी सङ्कलन केन्द्रहरूको दर्ता र नवीकरण नगरिने निर्णय गरिएको छ। यो नीति अब आवासीय क्षेत्र बाहेकका व्यवसायिक स्थलहरूमा मात्र लागू हुनेछ।
यस निर्णयसँगै, काठमाडौँ महानगरपालिकाले सम्पूर्ण कवाडी व्यवसायीहरूलाई आवश्यक परामर्शसहित आफ्नो व्यवसाय संचालन गर्दा आवासीय क्षेत्रमा स्थानान्तरण नगर्न र महानगरपालिकाले तोकेको क्षेत्रमै दर्ता/नवीकरण गराउन आग्रह गरेको छ। यस नीतिले आवासीय क्षेत्रको स्वच्छता र व्यवस्थित व्यवस्थापनमा सहयोग पुर्याउने अपेक्षा गरिएको छ।
महानगरपालिकाले सम्बन्धित वडा कार्यालयहरूलाई पनि यस सूचना अनुसार आवश्यक व्यवस्थापन गर्न निर्देशन दिएको छ। व्यवसायीहरूले थप जानकारीका लागि राजस्व विभागको सम्पर्क नम्बर ०१-५३२०९४० मा सम्पर्क गर्न सक्नेछन्।
राजस्व विभाग
