पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछाने दिल्ली भ्रमणपछि चीनको राजधानी बेइजिङ जाने तयारीमा रहेको जानकारी सार्वजनिक भएको छ। भ्रमणका क्रममा उनलाई विशेष सम्मान प्रदान गरिने तथा चीनका उपराष्ट्रपति हान झेङ र विदेशमन्त्री वाङ यीसँग शिष्टाचार भेटवार्ता हुने कार्यक्रम रहेको बताइएको छ।
प्राप्त जानकारीअनुसार, बेइजिङमा आयोजना हुने कार्यक्रममा नेपाल–चीन सम्बन्ध, आपसी सहयोग, व्यापार, पर्यटन, शिक्षा तथा क्षेत्रीय साझेदारीका विविध विषयमा छलफल हुने अपेक्षा गरिएको छ। साथै, दुई देशबीचको मित्रवत सम्बन्धलाई थप सुदृढ बनाउने विषयमा पनि कुराकानी हुने जनाइएको छ।
रवि लामिछानेको चीन भ्रमणलाई नेपाल–चीन सम्बन्धका दृष्टिले महत्त्वपूर्ण रूपमा हेरिएको छ। भ्रमणका क्रममा हुने भेटघाट र छलफलबाट दुई देशबीचको सहयोग विस्तारका नयाँ सम्भावनाबारे पनि चर्चा हुने अपेक्षा गरिएको छ।
यद्यपि, भ्रमणको विस्तृत कार्यतालिका तथा सम्मानसम्बन्धी आधिकारिक विवरण सम्बन्धित निकायबाट सार्वजनिक हुन बाँकी रहेको छ।
आमा दर्शन न्यूज
