पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
चितवनको मुग्लिन–नारायणगढ सडकखण्डमा पर्ने सिमलतालको त्रिशूली नदी किनारमा दुर्घटनाग्रस्त ट्रकको घटनामा शंका व्यक्त गरिएको छ। जिल्ला प्रहरी कार्यालय चितवनका सूचना अधिकारी डीएसपी भेषराज रिजालका अनुसार, आज बिहान ना ६ ख ६२८३ नम्बरको ट्रक त्रिशूली नदी किनारमा खसेको भेटिएको छ। ट्रकका चालक र सहचालक सम्पर्कविहीन छन् र प्रहरी उनीहरूको खोजीमा जुटेको छ।
राति करिब ८ बजेतिर उक्त ट्रक सिमलतालमा रोकिएको देखिएको थियो। ट्रक भैरहवाबाट २ हजार २२५ कार्टुन सूर्यमुखी तेल लोड गरेर ललितपुर जान लागेको थियो। तर, त्रिशूली किनारमा भेटिएको ट्रकमा आधा जति तेल गायब छ र तेल पोखिएको वा खसेको कुनै निशान पनि छैन, जसले गर्दा प्रहरी यो दुर्घटना शंकास्पद मान्दै चालक र सहचालकको खोजीमा सक्रिय छ।
३१ भदौ २०८१, सोमबार १०:१० मा प्रकाशित
