पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
काठमाडौं – काठमाडौंको शंकरापुर नगरपालिकामा आज बिहान सत्यसाई (एसएस) स्कुलका विद्यार्थी बोकेको बस दुर्घटनामा परेको छ। जिल्ला प्रहरी परिसर, काठमाडौंका अनुसार नगरकोट पिकनिकबाट फर्किंदै गर्दा बा २ ख ७९५८ नम्बरको बस दुर्घटनाग्रस्त भएको हो।
बसमा ४० जना भन्दा बढी विद्यार्थी र शिक्षकहरू सवार रहेको प्रारम्भिक जानकारी प्राप्त भएको छ। घटनास्थलमा स्थानीय बासिन्दा र प्रहरीको टोलीले उद्धार कार्य जारी राखेको छ। केही विद्यार्थी गम्भीर घाइते भएको र उनीहरूलाई तत्काल नजिकैको अस्पतालमा उपचारका लागि पठाइएको प्रहरीले जानकारी दिएको छ।
दुर्घटनामा केही व्यक्तिको मृत्यु भएको आशंका गरिएको छ, तर मृतकको संख्या र पहिचान यकिन हुन बाँकी छ। प्रहरीले दुर्घटनाको कारणबारे अनुसन्धान सुरु गरेको छ।
यस घटनाले अभिभावक तथा विद्यालय व्यवस्थापनलाई चिन्तित बनाएको छ। उद्धार र उपचार कार्यका सम्बन्धमा थप जानकारी प्रतीक्षारत छ।
३० माघ २०८१, बुधबार ०७:४६ मा प्रकाशित
