पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
सन्चारकर्मी सुर्य राय
वासिङटन: अमेरिकाका पूर्वराष्ट्रपति बाराक ओबामाले डेमोक्रेटिक पार्टीका तर्फबाट राष्ट्रपति जो बाइडेनले प्रस्ताव गरेका उपराष्ट्रपति कमला ह्यारिसलाई हालसम्म समर्थन गरेका छैनन्। न्यूयोर्क पोस्टले बाइडेनको पारिवारिक स्रोतलाई उद्धृत गर्दै ओबामाले ह्यारिसलाई समर्थन नगरेको खुलासा गरेको हो।
ओबामा ह्यारिसलाई योग्य उमेदवार मान्दैनन् र उनले डोनाल्ड ट्रम्पलाई जित्न सक्ने विश्वास छैन। बाइडेनले हालै राष्ट्रपति पदको उमेदवारी छोडेपछि ह्यारिसलाई उम्मेदवार बनाएका थिए, जसलाई डेमोक्रेटिक पार्टीका अधिकांश एलिटले समर्थन गरेका थिए। तर, ओबामा भने समर्थन नगर्ने उल्लेखनीय अपवाद बनेका छन्।
बाइडेनको पारिवारिक स्रोतका अनुसार ओबामा ह्यारिसको सीमाको भ्रमण नगरेको र आप्रवासीको स्वास्थ्य बिमा जस्ता महत्वपूर्ण मुद्दाहरूमा उनको भूमिका कमजोर हुने ठान्छन्। बाइडेनले पहिलो डिबेटमा कमजोर प्रस्तुति दिएका कारण उमेदवारी छोड्न बाध्य भएका थिए, र दोस्रो डिबेट सेप्टेम्बर १० का लागि तोकिएको छ।
ओबामाले ह्यारिसलाई समर्थन नगर्नुको कारण भनेको उनको डिबेट प्रदर्शनमा असमझदारी आउने सम्भावना हो। स्रोतका अनुसार, ओबामालाई थाहा छ कि ह्यारिसले इजरायल, प्यालेस्टाइन र युक्रेन मामिलामा विवादित बयान दिनेछिन्, जसले उनको क्षमता माथि प्रश्न उठ्नेछ।
ओबामाले बाइडेनलाई दौडबाट बाहिर लैजान चाहेको र बाइडेनले तुरुन्तै ह्यारिसलाई प्रस्ताव गरेपछि ओबामा स्तब्ध भएको जनाइएको छ। ओबामा एरिजोनाका सिनेटर मार्क केलीलाई राष्ट्रपति पदका लागि चाहन्थे, तर प्रक्रिया आफ्नो अनुसार नबढेकाले उनी क्रुद्ध भएका छन्।
यस विषयमा ह्वाइट हाउसले कुनै प्रतिक्रिया नजनाएको बताइएको छ। ओबामाले ह्यारिसलाई समर्थन नगर्ने निर्णयले डेमोक्रेटिक पार्टीभित्रको विवादलाई थप गहिरो बनाएको छ। (न्युयोर्क पोस्टबाट उद्धृत)
