बडादसैँ आज समापन हुँदै, कोजाग्रत पूर्णिमा मनाइँदै




काठमाडौं । नेपालीहरूको महान् पर्व बडादसैँ आज कोजाग्रत पूर्णिमासँगै समापन हुँदैछ। आश्विन शुक्ल प्रतिपदाका दिन घटस्थापना गरी सुरु भएको बडादसैँ १५ दिनसम्म विभिन्न धार्मिक तथा सांस्कृतिक परम्पराअनुसार मनाइन्छ।


कोजाग्रत पूर्णिमाका अवसरमा आज घरघरमा माता लक्ष्मीको पूजा–आराधना गर्ने धार्मिक परम्परा रहेको छ। यस दिन रातभर जाग्राम बसेर धनधान्य, सुख, शान्ति र समृद्धिको कामना गर्ने चलन छ।


बडादसैँले परिवार, आफन्त र इष्टमित्रबीच भेटघाट, आपसी सद्भाव, प्रेम तथा एकताको सन्देश प्रवाह गर्दै आएको छ। दसैँको अवसरमा देश तथा विदेशमा रहेका नेपालीहरूले समेत हर्षोल्लासका साथ पर्व मनाएका छन्।


बडादसैँको समापनसँगै नेपाली समाजमा धार्मिक आस्था, सांस्कृतिक पहिचान र सामाजिक एकताको महत्त्वलाई पुनः स्मरण गरिएको छ।


आमा दर्शन न्युज परिवार सम्पूर्ण नेपालीमा सुख, शान्ति, समृद्धि तथा उत्तरोत्तर प्रगतिको हार्दिक शुभकामना व्यक्त गर्दछ।


आमा दर्शन न्युज

सत्य, समय र समाजप्रति उत्तरदायी समाचारको भरोसायोग्य स्रोत।

प्रतिक्रिया