पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
Mr. Surya raya
माननीय उपप्रधान मन्त्री एवं गृह मन्त्री रवि लामिछानेले मनसुन पूर्वतयारी तथा प्रतिकार्य कार्ययोजना, २०८१ ले निर्देश गरेअनुसार विपद्बाट हुने जनधनको क्षति घटाउनेगरी कार्य गरिने प्रतिबद्धता व्यक्त गर्नुभएको छ ।
मन्त्री लामिछानेले नागरिकले आपत् विपद्मा नै राज्यको सहयोगको अपेक्षा गर्ने भएकोले सोहीअनुसार नीतिगत एवं व्यवस्थापकीय तयारी गरिने पनि बताउनुभयो ।
प्राधिकरणको नेतृत्वमा तयार भएको कार्ययोजनामाथि माननीय मन्त्रीको मार्गनिर्देशन एवं सरोकारवाला तथ सुरक्षा निकायहरु, विज्ञहरु, मानवीय संघ संस्थाका प्रतिनिधिहरु, अभियानकर्मीहरुको सुझाव एवं टिप्पणी समावेश गर्ने उद्देश्यले छलफलको आयोजना गरिएको हो ।
कार्ययोजनामा यस वर्ष हुनसक्ने मनसुन तथा जोखिमको आँकलन, तत्कालै गर्नुपर्ने कार्यहरु, विषयगत क्षेत्रका जिम्मेवारी, विद्यमान साधन स्रोत र संरचनात्मक व्यवस्था लगायतका विषय समावेश छन् ।
विपद् जोखिम न्यूनीकरण तथा व्यवस्थापन कार्यकारी समितिको २०८१ बैशाख ३ गते बसेको २१ औं बैठकले कार्ययोजना तर्जुमा गर्न प्राधिकरणका सहसचिव भरत मणी पाण्डेको संयोजकत्वमा कार्यदल गठन गरेको थियो ।
