पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
काठमाडौँ । सरकारले दुर्गा प्रसाईं नेतृत्वको समूहसँग गरेको सहमतिअनुसार निजामती कर्मचारी, नेपाली सेना, नेपाल प्रहरी तथा सशस्त्र प्रहरी बलका कर्मचारीले हाल प्राप्त गरिरहेको तलबमा २० हजार रुपैयाँ वृद्धि गर्ने विषयमा सकारात्मक निर्णय गर्ने प्रतिबद्धता जनाएको छ ।
सहमतिपत्रको बुँदा नं. ५ अनुसार आगामी आर्थिक वर्षको बजेट तयारीका क्रममा उपलब्ध वित्तीय स्रोतको आधारमा उक्त तलब वृद्धि सम्बन्धी निर्णय गरिने उल्लेख गरिएको छ । सरकार र दुर्गा प्रसाईं समूहबीच भएको वार्तापछि सार्वजनिक गरिएको सहमतिमा कर्मचारीहरूको जीवनस्तर सुधार तथा बढ्दो महँगीलाई सम्बोधन गर्ने उद्देश्य राखिएको जनाइएको छ ।
सरकारले बजेट निर्माणका क्रममा राजस्व अवस्था, आर्थिक वृद्धिदर र राज्यको खर्च क्षमता मूल्याङ्कन गरी तलब वृद्धिबारे अन्तिम निर्णय लिने बताएको छ । सहमतिमा उल्लेख भएअनुसार यो निर्णय कार्यान्वयन भएमा निजामती प्रशासन, सुरक्षा निकायमा कार्यरत कर्मचारीहरूलाई प्रत्यक्ष लाभ पुग्ने अपेक्षा गरिएको छ ।
यस सहमतिलाई कर्मचारी संगठनहरूले सकारात्मक रूपमा लिएका छन् भने अर्थविद्हरूले भने वित्तीय दायित्व र दीर्घकालीन असरलाई ध्यानमा राखेर निर्णय लिनुपर्ने सुझाव दिएका छन् ।
