पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
सन्चारकर्मी सुर्य राय
अमेरिकी अन्तरिक्ष कम्पनी SpaceX को Falcon 9 रकेटको माथिल्लो चरण करिब डेढ वर्षसम्म अन्तरिक्षमा अनियन्त्रित रूपमा घुमेपछि बुधबार बिहान चन्द्रमाको सतहमा ठोक्किएको छ।
करिब ४ टन (८,८०० पाउन्ड) तौल भएको उक्त रकेट करिब ५,४०० माइल प्रतिघण्टा (८,६९० किमी/घण्टा) को गतिमा चन्द्रमामा ठोक्किएको अनुमान गरिएको छ। यो रकेट सन् २०२५ जनवरीमा दुईवटा चन्द्र अभियानका ल्यान्डर प्रक्षेपण गर्न प्रयोग गरिएको थियो। मुख्य मिसन सम्पन्न भएपछि यसको माथिल्लो चरण अन्तरिक्षमै रहँदा सूर्यको विकिरण तथा गुरुत्वाकर्षणको प्रभावका कारण अन्ततः चन्द्रमातर्फ पुगेको जनाइएको छ।
वैज्ञानिकहरूका अनुसार यस घटनाबाट चन्द्रमाको सतहमा करिब ४० मिटर व्यासको नयाँ क्रेटर बन्न सक्ने अनुमान गरिएको छ। ठक्करबाट उड्ने धुलो तथा भग्नावशेषको अध्ययनले उच्च गतिमा ठोक्किने वस्तुले चन्द्र सतहमा पार्ने प्रभावबारे महत्वपूर्ण जानकारी प्राप्त हुने अपेक्षा गरिएको छ।
यस घटनाबाट पृथ्वीलाई कुनै खतरा नरहेको स्पष्ट पारिएको छ। यद्यपि, मानव निर्मित वस्तु अनियोजित रूपमा चन्द्रमामा ठोक्किएको यो घटना अन्तरिक्ष फोहोर (Space Debris) व्यवस्थापन तथा भविष्यका चन्द्र अभियानका लागि महत्वपूर्ण चेतावनीका रूपमा हेरिएको छ।
