पेट्रोलियम पदार्थको मूल्यमा वृद्धि, आज राति १२ बजेदेखि लागू

आमा दर्शन न्युज – २०८२ जेष्ठ १८ गते नेपाल आयल निगमले पेट्रोलियम पदार्थहरूको मूल्यमा पुनः वृद्धि गरेको छ। निगमले शुक्रबार एक सूचना जारी गर्दै पेट्रोलमा प्रति लिटर २ रुपैयाँ र डिजेल तथा मट्टीतेलमा प्रति लिटर १ रुपैयाँको वृद्धि गरेको जानकारी दिएको हो।

नयाँ मूल्य आजै राति १२ बजेदेखि लागू हुने निगमले जनाएको छ। पछिल्लो समय अन्तर्राष्ट्रिय बजारमा कच्चा तेलको मूल्यमा भएको उतारचढावका कारण मूल्य समायोजन गर्नुपरेको निगमको भनाइ छ।

नयाँ मूल्य अनुसार:

• 🛢️ पेट्रोल: २ रुपैयाँले वृद्धि

• 🚛 डिजेल/मट्टीतेल: १ रुपैयाँले वृद्धि

पेट्रोलियम पदार्थको मूल्यवृद्धिले दैनिक उपभोग्य वस्तुहरूको ढुवानी लागतमा समेत प्रभाव पार्ने भएकाले सर्वसाधारण उपभोक्ता फेरि मारमा पर्ने देखिएको छ।

👉 थप जानकारी र अपडेटका लागि आमा दर्शन न्युजसँगै रहनुहोस्।