पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
हुम्ला, – हुम्ला जिल्ला, सर्केगाड गाउँपालिका स्थित राष्ट्रिय स्वतन्त्र पार्टीकी उपाध्यक्ष पदकी उम्मेदवार श्रीमती सुजता थापा र उहाँका श्रीमान बल थापालाई केही ४०-४५ जना युवाहरूको समूहले अपहरण शैलीमा घरबाट लखेट्दै अनिश्चित स्थानतर्फ लगेको घटना घटीएको छ।
घटनापछि तुरुन्तै हुम्ला जिल्ला प्रशासन कार्यालय र स्थानीय प्रहरीलाई सूचित गरिएको थियो। हुम्लाका सिडिओले यस घटनाबारे जानकारी पाएसँगै तुरुन्तै खोजतलास र उद्धारका लागि प्रहरी परिचालन गरिएको बताएका छन्।
सूत्रका अनुसार, सुजता थापाको ससुराबुवा सर्केगाड ४ का नेपाली कांग्रेसका सभापति हुनुहुन्छ, र उम्मेदवारीको विषयमा उहाँको सहमति थिएन। यसैले शंका गरिए अनुसार, नेपाली कांग्रेसका समर्थक युवाहरूले बल प्रयोग गर्दै सुजता थापालाई दबाब दिन र उम्मेदवारी रोकिने उद्देश्यले अपहरणको प्रयास गरेको हो।
यस घटनाले राजनीतिमा बल र हिंसा प्रयोगको घोर निन्दा गर्दै, राष्ट्रिय स्वतन्त्र पार्टीले गृह मन्त्रालय र निर्वाचन आयोगको गम्भीर ध्यानाकर्षण गराएको छ। पार्टीका नेताहरूले यस किसिमको अप्रिय घटनाले लोकतन्त्र र चुनावी प्रक्रिया कमजोर बनाउने भन्दै कडा कारबाहीको माग गरेका छन्।
“यदि यस्तो घटनाले नयाँ उम्मेदवारलाई डराउन र अपहरण गरेर रोक्न खोजिन्छ भने, त्यसले लोकतन्त्रको मूलमूल सिद्धान्तलाई नै चुनौती दिनेछ,” पार्टीका एक नेताले भने। “हामीले लडेर ल्याएको लोकतन्त्रको अपमान हुँदैछ। यस प्रकारको हर्कतको घोर भर्सना गर्दछौं।”
यो घटना अहिले हुम्लामा गम्भीर चासोको विषय बनेको छ र प्रशासनले यथाशीघ्र दोषीहरूलाई पहिचान गरी कडा कारबाही गर्नुपर्ने आवश्यकता औंल्याइएको छ।
