पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
सन्चारकर्मी सुर्य राय
काठमाडौं, ८ कात्तिक: राष्ट्रिय स्वतन्त्र पार्टी (रास्वपा) का सभापति रवि लामिछानेको पक्राउको विरोधमा शुक्रबार राजधानीको माइतीघरमा पार्टीले प्रदर्शन गरेको छ। लामिछानेलाई गत कात्तिक २ गते कास्की प्रहरीले सहकारीको रकम अपचलन तथा संगठित अपराधको अभियोगमा पक्राउ गरेको थियो। रास्वपाले उनलाई विनाकारण दुःख दिने प्रयास भइरहेको दाबी गर्दै उनको तत्काल रिहाइको माग गरेको छ।
प्रदर्शनको नेतृत्व पार्टीका वरिष्ठ नेता तथा संसदीय दलका उपनेता विराजभक्त श्रेष्ठ र केन्द्रीय कोषाध्यक्ष लिमा अधिकारीले गरेका थिए। सहभागीहरू रवि लामिछानेको समर्थनमा नाराबाजी गर्दै उनको गिरफ्तारीलाई राजनीतिक प्रतिशोधको संज्ञा दिइरहेका थिए।
रास्वपाले कास्की प्रहरीले अनुसन्धानलाई अनावश्यक रूपमा लम्ब्याएको आरोप लगाउँदै, यसलाई रवि लामिछानेमाथि योजनाबद्ध रूपमा मानसिक र शारीरिक पीडा दिने प्रयासका रूपमा व्याख्या गरेको छ। पार्टीले यस घटनालाई लिएर राजधानी केन्द्रित आन्दोलनको घोषणा समेत गरेको छ।
यसअघि, बिहीबार पोखरामा आयोजित पत्रकार सम्मेलनमा रास्वपाका नेताहरूले लामिछानेको रिहाइका लागि थप आन्दोलनको चेतावनी दिएका थिए। कास्की प्रहरीले भने अनुसन्धान प्रक्रियामा कुनै पनि प्रकारको हस्तक्षेप नगरिएको र कानूनी प्रक्रिया अनुरूप अनुसन्धान भइरहेको बताएको छ।
प्रदर्शनमा हजारौं समर्थकहरूको सहभागिता रहेको थियो भने सुरक्षाकर्मीहरू प्रदर्शन स्थलमा तैनाथ रहेका थिए।
