पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
राजनीति पोस्ट / आमा दर्शन समाचार
किर्तिपुर उप-चुनावमा स्वतन्त्र उम्मेदवार राजमान मानवलाई धरान उपमहानगरपालिकाका मेयर हर्क साम्पाङ र स्वतन्त्र उम्मेदवार नरेश श्रेष्ठको औपचारिक समर्थन प्राप्त भएको छ। यो समर्थनले राजमान मानवको उम्मेदवारीलाई थप बल मिलेको देखिन्छ।
धरानका लोकप्रिय स्वतन्त्र मेयर हर्क साम्पाङले राजमान मानवजस्ता सक्षम र इमानदार व्यक्तिहरूले राजनीतिक परिवर्तन गर्न सक्ने विश्वास व्यक्त गरेका छन्। उनले भने, “नयाँ पुस्ताको प्रतिनिधित्व गर्न सक्ने र जनताका मुद्दालाई प्राथमिकतामा राख्ने उम्मेदवारलाई साथ दिनु हाम्रो दायित्व हो।”
त्यसैगरी, नरेश श्रेष्ठले पनि राजमान मानवप्रति आफ्नो समर्थन जनाउँदै उनको दृष्टिकोण र नेतृत्व क्षमताको प्रशंसा गरे। श्रेष्ठले भने, “समाज परिवर्तनका लागि नयाँ सोचका उम्मेदवारहरूलाई मौका दिनुपर्छ। राजमान मानव यसका उत्कृष्ट उदाहरण हुन्।”
उप-चुनाव नजिकिँदै गर्दा राजमान मानवलाई प्राप्त समर्थनले निर्वाचन परिणाममा सकारात्मक प्रभाव पार्ने विश्लेषकहरूको धारणा छ। उनले आफ्नो अभियानका क्रममा शिक्षा, स्वास्थ्य, र स्थानीय विकासका मुद्दाहरूलाई प्राथमिकतामा राख्ने प्रतिबद्धता जनाएका छन्।
- Aama Darshan News
