पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
राजनीति पोस्ट / आमा दर्शन समाचार
ललितपुर, माघ २३ – नेपाली कांग्रेसका महामन्त्री गगन थापाले संघीयता कार्यान्वयनमा राजनीतिक नेतृत्वको उदासीनता र अनुदार प्रवृत्तिबाट नेपालमा संघीयता सुदृढीकरणमा चुनौती आएको टिप्पणी गरेका छन्। मंगलबार ललितपुरमा आयोजित 'संघीयता सवलीकरणको कसीमा प्रदेशका सवालहरू' अन्तर्क्रियामा बोल्दै उनले राजनीतिक दलका शीर्ष नेताहरू संघीयताप्रति सकारात्मक सोच राख्न असफल भएको धारणा राखे।
थापाले भने, "हामी राजनीतिक दलका नेताहरू, जसले सरकारको नेतृत्व गर्छौं, संघीयताप्रति उदार छैनौं। संघीयता प्रभावकारी बनाउन हामी सबै असफल भएका छौं। बाहिर हामी जे भने पनि, सरकार चलाउने क्रममा हामी संघीयतालाई कार्यान्वयन गर्नुभन्दा अधिकार आफ्नो मुठ्ठीमा राख्न प्रयास गर्छौं।"
महामन्त्री थापाले संघीय निजामती सेवा विधेयक र संघीय प्रहरी विधेयकजस्ता महत्त्वपूर्ण कानुनहरू अझै पनि पारित हुन नसकेकोप्रति चिन्ता व्यक्त गर्दै संघीयता प्रभावकारी बनाउन राजनीतिक दलहरूले प्रतिबद्धता देखाउनुपर्ने आवश्यकता औंल्याए।
उनले थप भने, "कसैले पनि सरकार छाड्ने शर्त राखेर संघीय विधेयकलाई प्राथमिकतामा ल्याएको देखिँदैन। संघीयता हाम्रो संवैधानिक व्यवस्थामा रहिरहनेछ, तर यसलाई परिणाममुखी र प्रभावकारी बनाउन हामीले ध्यान दिनुपर्छ।"
उनको भनाइले संघीयता कार्यान्वयनमा देखिएका व्यावहारिक चुनौती र राजनीतिक नेतृत्वको भूमिकाबारे गम्भीर बहसको आवश्यकता देखाएको छ।
