पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
नेकपा (एमाले) संसदीय दलका प्रमुख सचेतक महेश बर्तौलाले नेकपा (माओवादी केन्द्र) का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’लाई राजनीतिक अभिव्यक्तिमा जिम्मेवारीपूर्ण र सकारात्मक सन्देश दिन आग्रह गरेका छन्।
नेपाल पत्रकार महासंघ काठमाडौं शाखाका नवनिर्वाचित पदाधिकारीहरूको पद हस्तान्तरण समारोहलाई सम्बोधन गर्दै बर्तौलाले राजनीतिक नेतृत्वले देशमा सहिष्णुता र एकताका सन्देश प्रवाह गर्नुपर्नेमा जोड दिए। उनले संसद्को गणित र सरकार निर्माण तथा विघटनको प्रक्रिया लोकतन्त्रको स्वाभाविक विशेषता भएको बताउँदै यस्तो परिस्थितिलाई सहर्ष स्वीकार गर्नुपर्ने धारणा राखे।
बर्तौलाले राजनीतिक पदहरू अस्थायी हुने भएकाले सहिष्णुता कायम राख्दै देश र जनताको हितलाई केन्द्रमा राखेर अघि बढ्नुपर्ने आवश्यकता औंल्याए। उनले भने, "आगामी यात्रामा कुनै पनि घुम्तीमा कहिल्यै भेट नहुनेजस्तो गरी अभिव्यक्ति दिने अभ्यासले नेपालको राजनीति सफा हुन दिँदैन।"
उनले नेतृत्व तहबाट दीर्घकालीन सोच र सकारात्मक अभिव्यक्तिको अपेक्षा राख्दै नेपाली राजनीति र समाजमा एकता तथा सहकार्यको भावना कायम गर्नुपर्ने आवश्यकता पुनः दोहोर्याए।
यस प्रकारको पहलले नेपालको राजनीतिक परिपक्वता र स्थिरता कायम गर्न महत्त्वपूर्ण योगदान पुर्याउने अपेक्षा गरिएको छ।
