पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
सन्चारकर्मी सुर्य राय
वेस्ट इन्डिजका प्रख्यात क्रिकेटर ब्रायन लारा आज बिहान नेपाल आइपुगेका छन्। कीर्तिपुरमा जारी नेपाल प्रिमियर लिग (एनपीएल) क्रिकेटको अवलोकन गर्न छोरीसहित नेपाल आएका लारा बिहान ९:१५ बजे त्रिभुवन अन्तर्राष्ट्रिय विमानस्थलमा अवतरण गरेका हुन्। तीन दिन नेपाल बस्ने योजना सहित आएका लारालाई नेपाल क्रिकेट संघ (क्यान) का पदाधिकारीहरूले विमानस्थलमा स्वागत गरेका थिए।
क्रिकेट इतिहासमा अमूल्य योगदान
ब्रायन लारा क्रिकेट इतिहासका सबैभन्दा सफल खेलाडीमध्ये एक हुन्। उनले टेस्ट क्रिकेटमा एकै इनिङमा ४०० नटआउट रन बनाउँदै विश्व कीर्तिमान कायम गरेका छन्। ५५ वर्षीय लाराले आफ्नो करियरमा १३१ टेस्ट खेलमा झण्डै १२,००० रन र २९९ एकदिवसीय खेलमा १०,००० भन्दा बढी रन बनाएका छन्।
नेपाली क्रिकेटप्रति आकर्षण
नेपाली क्रिकेटप्रति लाराको विशेष लगाव छ। नेपाली क्रिकेट टोलीले टी-२० विश्वकपमा छनोट हुँदा उनले बधाई दिंदै नेपाली टोलीको प्रशंसा गरेका थिए। सामाजिक सञ्जालमार्फत उनले नेपाल आउन चाहेको संकेत पनि गरेका थिए।
लाराको ऐतिहासिक करियर
सन् १९९० देखि २००७ सम्म वेस्ट इन्डिजका लागि खेलेका लाराले २००४ को च्याम्पियन्स ट्रफी जित्नमा प्रमुख भूमिका खेले। ‘द प्रिन्स’ उपनामले परिचित लाराले सन् २००७ मा आफ्नो अन्तिम खेल खेलेर अन्तर्राष्ट्रिय क्रिकेटबाट सन्न्यास लिए।
उनको नेपाल आगमनले नेपाली क्रिकेटप्रति अन्तर्राष्ट्रिय स्तरमा सकारात्मक प्रभाव पर्ने विश्वास गरिएको छ। साथै, एनपीएलको माध्यमबाट नेपाली क्रिकेटले लाराको अनुभवबाट प्रेरणा लिने अवसर पाउनेछ।
