पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
काठमाडौं, — जनमत पार्टीसँग एकताको घोषणा हुन लागेको चर्चाबीच आज एक अप्रत्याशित मोड आएको छ। पूर्व सांसद तथा नागरिक उन्मुक्ति पार्टीका नेता रेशम चौधरीलाई काठमाडौंको कमलादीस्थित प्रज्ञा भवन परिसरबाट सादा पोशाकधारी प्रहरीले पक्राउ गरेको छ।
आज हुने भनिएको एकता घोषणाको तयारीमा चौधरी सहभागी हुने भनिएको कार्यक्रमस्थलमै उनीमाथि प्रहरीले नियन्त्रणमा लिएको हो। घटनास्थलमा प्रहरीको बाक्लो उपस्थिति रहेको थियो, र सादा पोशाकमा आएका सुरक्षाकर्मीहरूले चौधरीलाई कार्यक्रम स्थलमै पक्राउ गरेका हुन्।
पक्राउको कारण हालसम्म औपचारिक रूपमा सार्वजनिक गरिएको छैन। तर राजनीतिक वृत्तमा यस घटनालाई जनमत पार्टीसँगको सम्भावित एकता र त्यसको प्रभावसँग जोडेर हेरिएको छ। चौधरी समर्थकहरू भने यो पक्राउलाई राजनीतिक प्रतिशोधका रूपमा व्याख्या गर्न थालेका छन्।
यस घटनासँगै एकता घोषणामा अन्योल उत्पन्न भएको देखिन्छ। थप विवरणहरू आउन बाँकी छन्।
