पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
📰 रौतहट, नेपाल — Aama Darshan News
२०६४ सालको संविधानसभा निर्वाचनपछिको बम विस्फोटमा परी भएका एक दर्जनभन्दा बढी व्यक्तिहरूको ज्यान गएको घटनामा संलग्न भएको आरोप खेप्दै आएका नेपाली कांग्रेसका पूर्वसांसद अफताब आलमले अदालतबाट सफाइ पाएका छन्।
जिल्ला अदालत रौतहटले पूर्वसांसद आलमलाई दोषी ठहर गर्दै जन्मकैदको सजाय सुनाएको थियो। तर, उक्त फैसलाविरुद्ध परेको पुनरावेदनमा उच्च अदालत वीरगञ्जको इजलासले आलमलाई निर्दोष ठहर गर्दै सफाइ दिएको हो।
उक्त बम विस्फोट प्रकरणमा आलममाथि गैरकानुनी रूपमा बम बनाउने कार्य गराएको, विस्फोटपछि घाइतेलाई इँटा भट्टामा हालेर जिउँदै जलाएको जस्तो गम्भीर आरोप लगाइएको थियो। यस घटनाले लामो समय राजनीतिक तहमा समेत चर्चा पाएको थियो।
आलमको कानुनी टोलीले उनको विपक्षमा पर्याप्त प्रमाण नभएको दाबी गर्दै उच्च अदालतमा पुनरावलोकन गरेका थिए, जसअनुसार अदालतले उनीमाथिको अभियोग पुष्टि नहुने ठहर गर्दै सफाइ दिएको हो।
पूर्वसांसद आलमको यो मुद्दालाई राजनीतिक प्रतिशोधको रूपमा समेत हेरिएको थियो भने पीडित पक्षले भने न्याय नपाएको भन्दै असन्तुष्टि व्यक्त गरेका छन्।
अब यो फैसलाले राजनीतिक र कानुनी दुवै तहमा नयाँ बहसको ढोका खोल्ने सम्भावना देखिएको छ।
