पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
संवाददाता:- प्रशान्त महासागर
काठमाडौं, २१ चैत – प्रतिनिधि सभा अन्तर्गतको संसदीय अर्थ समितिको बैठकमा आज भन्सार सम्बन्धी कानूनलाई संशोधन र एकीकरण गर्न बनेको विधेयकमाथि दफावार छलफल भएको छ।
छलफलका क्रममा सांसदहरूले विधेयकका विभिन्न दफाहरूमा संशोधनको प्रस्ताव राख्दै व्यापारिक प्रक्रियालाई सरलीकरण गर्ने, डिजिटल प्रणालीको उपयोग बढाउने तथा राजस्व संकलनलाई प्रभावकारी बनाउनुपर्ने आवश्यकता औंल्याएका छन्। साथै, भन्सार प्रशासनको पारदर्शिता वृद्धि गर्न कडाइका साथ निगरानी राख्नुपर्ने विषयमा पनि ध्यानाकर्षण गराइएको छ।
समितिका सभापतिले विधेयकलाई व्यापक अध्ययन गरी राष्ट्रहितमा आवश्यक संशोधनसहित पारित गर्ने प्रतिबद्धता व्यक्त गरेका छन्। अर्थ मन्त्रालयका प्रतिनिधिहरूले विधेयकमा उल्लेखित व्यवस्थाहरूको व्याख्या गर्दै सुझाव संकलन गरेका थिए।
विधेयकलाई अन्तिम रूप दिने प्रक्रियाका लागि आगामी बैठकमा थप छलफल गरिने तय गरिएको छ।
(आमा दर्शन न्यूज)
