पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
राजनीति पोस्ट / आमा दर्शन समाचार
काठमाडौं । रूपन्देही जिल्ला अदालतमा चलिरहेको राष्ट्रिय स्वतन्त्र पार्टी (रास्वपा)का सभापति तथा पूर्वगृहमन्त्री रवि लामिछानेविरुद्धको मुद्दामा आइतबार आदेश आउने भएको छ।
बुटवलको सुप्रिम सहकारी प्रकरणमा मुछिएका लामिछानेविरुद्धको थुनछेक बहस शुक्रबार नसकिएपछि अदालतले मुद्दा ‘हेर्दाहेर्दै’मा राखेको हो। यस विषयमा आइतबार आदेश आउने अनुमान गरिएको छ।
थुनछेक बहसमा सरकारी र प्रतिवादी तर्फबाट सक्रिय सहभागिता
सरकारी वकिलका प्रमुख प्रेमराज पौडेल, गोकर्ण घिमिरे, पवित्रा भण्डारी, वसन्त पोखरेल र सुनिल लामिछानेले पहिलो दिन बहस गरेका थिए। उच्च सरकारी वकिल कार्यालय बुटवलका सोमकान्त भण्डारी, प्रकाश मरासिनी र रवि न्यौपानेले पनि बहसमा सहभागी भए।
जाहेरकर्ताको तर्फबाट वरिष्ठ अधिवक्ता दिनेश त्रिपाठी, सुरेन्द्रराज भण्डारीसहित चारजनाले बहस गरेका छन्। शुक्रबार लामिछानेको तर्फका कानुन व्यवसायीको बहस चिया समयपछि सुरु भएको थियो।
वरिष्ठ अधिवक्ता सुशिल पन्त र सुरेन्द्र थापाको बहस सकिएपछि अब आइतबार वरिष्ठ अधिवक्ता रमन श्रेष्ठ, अधिवक्ता डा. नारायण कँडेल, राजेन्द्र सेढाई, र सुरज बस्नेतले बहस गर्नेछन्।
रविका सहयोगीको प्रतिक्रिया
रविका सहयोगी प्रमोद न्यौपानेका अनुसार मुद्दाको निर्णयका लागि अझै समय लाग्ने देखिएको छ।
#राष्ट्रिय_स्वतन्त्र_पार्टी #रवि_लामिछाने #मुद्दा
