पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
देशकै कान्छा न्यायाधीश नीतिज राईको इजलासमा भएको सुनुवाइका क्रममा, राष्ट्रिय स्वतन्त्र पार्टीका सभापति रवि लामीछानेले आफ्नो बचाउ गर्दै सम्पत्ति शुद्धीकरण निवारण ऐनअनुसार आफ्नो सम्पत्ति आर्जन वैधानिक भएको दाबी गरेका छन्।
उनले आफ्नो खातामा देखाइएको २७ करोड ८९ लाख रुपैयाँको ट्रान्जेक्सनलाई स्पष्ट गर्दै भने, “मेरो खातामा देखिएको यो रकम घुम्न-घुम्न मात्र देखिएको हो। गैरकानुनी सम्पत्ति आर्जन गर्ने कुनै कार्य मैले गरेको छैन।”
उनले न्यायालयसमक्ष प्रस्तुत बयानमा आफूले कानुनको परिधिभित्र रहेर सम्पत्ति आर्जन गरेको र आरोपहरू झुटा भएको दाबी गरेका छन्।
यो मुद्दाले ठूलो जनचासो बटुलेको छ, विशेष गरी राजनीतिक व्यक्तित्वका आर्थिक गतिविधिमा कडाइको माग गरिरहेका जनताबीच। अदालतले यस विषयमा के निर्णय गर्छ, त्यसतर्फ सबैको ध्यान केन्द्रित छ।
१३ पुस २०८१, शनिवार १२:०७ मा प्रकाशित
