पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
काठमाडौं, – नेकपा (माओवादी केन्द्र)का सांसद माधव सापकोटाले नेपाल सम्पत्ति शुद्धीकरण तथा आतंकवादी गतिविधिमा लगानी सम्बन्धी ग्रे लिस्ट मा परेको विषयमा सरकारको अकर्मण्यता प्रमुख कारण रहेको आरोप लगाएका छन्।
आइतवार प्रतिनिधि सभाको बैठकमा बोल्दै सांसद सापकोटाले सरकारको लापरवाही, वित्तीय सुधारको अभाव र सुशासनप्रतिको उदासीनताका कारण नेपाल यस्तो लज्जाजनक अवस्थाबाट गुज्रिन बाध्य भएको बताएका छन्।
सांसद सापकोटाले भने, ‘यो घटनाक्रमले सरकार सुशासनका पक्षमा छैन र पूर्ण रूपमा असफल भएको संकेत गर्छ। सरकार नैतिक रूपमा आफ्नो मार्ग प्रशस्त गर्नुपर्छ भनेर म सभामुखमार्फत ध्यानाकर्षण गराउन चाहन्छु।’
उनले नेपाल ग्रे लिस्ट मा परेपछि सिंगो देशको प्रतिष्ठा धूमिल भएको भन्दै संसदले यस विषयलाई गम्भीरताका साथ लिनुपर्नेमा जोड दिए। सांसद सापकोटाले सरकारको असफलता सुधार गर्न तत्काल प्रभावकारी कदम चाल्नुपर्ने माग राख्दै आवश्यक सुधार नीति अवलम्बन गर्न आग्रह गरे।
नेपाल ग्रे लिस्ट मा परेको विषयलाई लिएर अन्य सांसदहरूबाट पनि चासो व्यक्त गरिएको छ। अब सरकारले कसरी अघि बढ्छ भन्ने विषयमा आम नागरिकको पनि ध्यान केन्द्रित भएको छ।
