पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
काठमाडौं, असोज २०: नवनियुक्त प्रधानन्यायाधीश प्रकाशमानसिंह राउतले आज राष्ट्रपति रामचन्द्र पौडेलसमक्ष पद तथा गोपनीयताको शपथ लिएका छन्। शीतल निवासमा आयोजित समारोहमा राष्ट्रपति पौडेलले उनलाई प्रधानन्यायाधीशमा नियुक्त गर्दै औपचारिक शपथ ग्रहण गराएका हुन्।
शपथ ग्रहण कार्यक्रम दिउँसो १:३० बजे राष्ट्रपति कार्यालयमा सम्पन्न भएको हो। राउतले पूर्व प्रधानन्यायाधीश विश्वम्भरप्रसाद श्रेष्ठको अवकाशपछि यो जिम्मेवारी सम्हालेका हुन्।
३१ भदौमा संवैधानिक परिषदको सिफारिसमा राउतलाई प्रधानन्यायाधीश बनाइएको थियो, जसलाई १६ असोजमा संसदीय सुनुवाइ समितिले अनुमोदन गरेको थियो। उनी अब साढे एक वर्षका लागि प्रधानन्यायाधीशको जिम्मेवारीमा रहनेछन्।
प्रधानन्यायाधीशको रूपमा राउतले न्यायपालिकामा पारदर्शिता, निष्पक्षता र द्रुत न्याय सम्पादनमा सुधारको प्रतिबद्धता जनाएका छन्। न्यायपालिकाको कार्यसम्पादनमा सुधार गर्दै कानूनी प्रणालीलाई थप सुदृढ गर्ने उनको प्राथमिकता रहेको छ।
राउतको यो नियुक्तिले न्यायालयमा नयाँ उर्जा र दिशा प्रदान गर्ने विश्वास गरिएको छ।
