पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
सन्चारकर्मी सुर्य राय
काठमाडौं, आइतबार – पूर्वराजा ज्ञानेन्द्र शाह आइतबार पोखराबाट काठमाडौं आएपछि राजधानीको विभिन्न स्थानमा उनका समर्थकहरूको ठूलो उपस्थिति देखिएको छ। पोखराबाट समिट एयरको चार्टर्ड विमानमा काठमाडौं आएका शाहलाई विमानस्थलमा स्वागत गर्न हजारौँ समर्थकहरू ओइरिएका थिए।
उनको आगमनसँगै समर्थकहरूले नाराबाजी गर्दै विमानस्थलदेखि निर्मल निवाससम्म र्याली निकालेका थिए। विशेषगरी चाबहिल क्षेत्रमा राजसंस्थाको पक्षमा नाराबाजी गर्दै ठूलो संख्यामा मानिसहरू जम्मा भएका थिए।
पछिल्लो समयमा राजसंस्था पुनर्स्थापनाका लागि विभिन्न स्थानमा जनसहभागिता बढिरहेको देखिन्छ। काठमाडौंलगायत देशभर विभिन्न राजावादी समूहहरू सक्रिय बन्दै गएका छन्। ज्ञानेन्द्र शाहको सार्वजनिक उपस्थितिले पनि यो अभियानलाई थप बल पुगेको देखिन्छ।
यसअघि पनि शाह विभिन्न स्थानहरूको भ्रमणमा जाँदा उनका समर्थकहरूको उल्लेखनीय सहभागिता देखिँदै आएको छ। आइतबारको भीडले पुनः एकपटक राजसंस्था पक्षधरहरूको सक्रियता दर्शाएको छ।
प्रहरी प्रशासनले सुरक्षालाई ध्यानमा राख्दै विमानस्थलदेखि निर्मल निवाससम्म निगरानी बढाएको थियो। समर्थकहरू शान्तिपूर्ण रूपमा आफ्ना भावना प्रकट गरिरहेका थिए भने केही स्थानमा ट्राफिक प्रभावित भएको जानकारी प्राप्त भएको छ।
विश्लेषकहरूका अनुसार नेपालमा राजसंस्था पुनर्स्थापनाको बहस पुनः चर्किंदै गएको छ। आगामी दिनमा यस विषयमा थप बहसहरू हुने देखिन्छ।
