पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
आमा दर्शन न्युज :- संवाददाता
काठमाडौं: नेकपा माओवादी केन्द्रले आज काठमाडौँमा सरकारविरुद्ध खबरदारी सभा आयोजना गर्ने भएको छ। पार्टीले केपी शर्मा ओली सरकारको सय दिनको कार्यकाललाई पूर्ण असफल ठहर गर्दै यस सभा गर्न लागेको हो।
कार्यक्रम अनुसार, आज बिहान ११ बजे काठमाडौँ मलमा नेता र कार्यकर्ताहरू जम्मा हुनेछन्। समवेत बाजा र झाँकीसहितको जुलुस रत्नपार्क, बागबजार, र प्रदर्शनी मार्ग हुँदै भृकुटीमण्डपमा पुग्नेछ। यहाँ सभा सम्पन्न हुनेछ।
उपत्यका भित्रका नेता र कार्यकर्ता मात्र कार्यक्रममा सहभागी हुनेछन्, र माओवादीको आकलन अनुसार करिब २५,००० देखि ३०,००० मानिसको सहभागिता रहने अनुमान गरिएको छ। सभाको नेतृत्व पार्टीका अध्यक्ष पुष्पकमल दाहाल प्रचण्डले गर्नेछन्।
सत्ताबाट बाहिरिएको माओवादी पार्टी हाल छटपटिमा रहेको देखिन्छ, विशेष गरेर नेपाली कांग्रेस र एमालेको गठबन्धन सरकार गठनपछि।
१० कार्तिक २०८१, शनिवार ०८:२२ मा प्रकाशित
